Taking too long? Close loading screen.

Azərbaycanın tranzit potensialı Polşada böyük marağa səbəb oldu

2016-08-19

17-18 avqust tarixində Polşanın paytaxtı Varşava şəhərində Azərbaycan və Polşa dəmiryolçularının və logistik operatorların görüşü keçirilib. Bu görüş, 10 iyun 2016-cı ildə Bakıda “Azərbaycan Dəmir Yolları” QSC-nin sədri Cavid Qurbanovla Polşanın Azərbaycandakı səfiri Marek Tsalka ilə aparılan danışıqlar və imzalanan protokolun davamı olaraq təşkil edilib.

IMG-20160819-WA0002
Varşavada keçirilən görüşün əsas müzakirə mövzusu, Polşa iri yükdaşıyıcılarının Azərbaycan ərazisindən keçən nəqliyyat dəhlizlərindən yararlanmaq imkanları olub. TransXəzər Beynəlxalq Nəqliyyat Marşrutu və Cənub Qərb Nəqliyyat Dəhlizi Polşalı tərəfdaşların böyük marağına səbəb olub. Həmin marşrutlardan istifadə edərək, Polşa yükdaşıyıcıları Çin və Orta Asiya eyni zamanda Hindistan və İran körfəzi ölkələri ilə ticarət əlaqələrini daha asan və sərfəli şərtlərlə həyata keçirəcək. Yüklər həmin bölgələrdən Azərbaycan, Gürcüstan, Qara dəniz və Ukraynadan keçərək Polşaya və oradan Avropanın digər ölkələrinə çatdırılacaq. Beləliklə artıq demək olar ki, Ukraynanın ardınca Polşa da Azərbaycandan keçən nəqliyyat marşrutlarının iştirakçısı olur.

IMG-20160819-WA0000
Danışıqlar zamanı Azərbaycan və Polşa dəmiryolçuları öz imkanları təqdim edərək, əməkdaşlığın gələcək perspektivlərini müzakirə ediblər. Xüsusi olaraq konteyner yükdaşımaların texnologiyası, tariflər və digər vacib texniki məsələlər diqqət markəzində olub.

IMG-20160819-WA0001
Görüşün sonunda protokol imzalanıb. Qeyd edilən marşrutlara böyük həcmdə yüklərin və yeni tərəfdaşların cəlb olunmasına yönələn sənəd eyni zamanda gələcək əməkdaşlığın çərçivəsini müəyyən edir. Bundan başqa tərəflər yaxın zamanlarda sınaq konteyner qatarının göndərilməsi ilə də bağlı razılığa gəliblər.

 

İLHAM ƏLİYEV

İLHAM ƏLİYEV

Azərbaycan Respublikasının Prezidenti

HEYDƏR ƏLİYEV

HEYDƏR ƏLİYEV

Azərbaycan xalqının ümummilli lideri

MEHRİBAN ƏLİYEVA

MEHRİBAN ƏLİYEVA

Azərbaycanın birinci xanımı

"AZƏRBAYCAN DƏMİR YOLLARI"

Qapalı Səhmdar Cəmiyyəti

ADY CONTAINER

ADY CONTAINER

Məhdud Məsuliyyətli Cəmiyyət


ADY Express
  • Azərbaycan
  • Русский
  • English
ADY Express
Bütün hüquqlar qorunur. © 2016