Taking too long? Close loading screen.

Astanada “Azərbaycan Dəmir Yolları” QSC-nin nümayəndəliyi açılıb

2016-10-07

Qazaxıstanın paytaxtı Astanada “Azərbaycan Dəmir Yolları” Qapalı Səhmdar Cəmiyyətinin (QSC) nümayəndəliyi açılıb.

Tədbirdə “Azərbaycan Dəmir Yolları” QSC-nin sədri Cavid Qurbanovun rəhbərlik etdiyi nümayəndə heyəti də iştirak edib.

img_0085-2

Açılış mərasimində C.Qurbanov “Şərq-Qərb” dəmir yol dəhlizinin mərkəzində yerləşən yeni nümayəndəliyin açılmasının əhəmiyyətindən söz açıb. O qeyd edib ki, Avropa ilə Çin arasında hazırda yük dövriyyəsi 106 milyon tona yaxındır. Bu da təxminən 550 milyard ABŞ dollarına bərabərdir. Bütün bunlar yaxın gələcəkdə dəhlizin əhəmiyyətini daha da artıracaqdır.

O, cari ilin sonunda Bakı-Tbilisi-Qars dəmir yolunun Gürcüstan hissəsinin təhvil veriləcəyini və bunun da yükdaşımalara müsbət təsir göstərəcəyini söyləyib.

img_0098-1

“Qazaxıstan Dəmir Yolları” Səhmdar Cəmiyyətinin sədri Kanat Alpısbayev bildirib ki, bu nümayəndəliyin açılması iki ölkə arasında əməkdaşlığı daha da möhkəmləndirəcək. Xüsusilə tranzit yük axınının artırılması üçün əlverişli şəraitin yaradılmasına, yükdaşımaların həcminin çoxalmasına müsbət təsir göstərəcək.

img_0107-1

Sonra keçirilən ikitərəfli görüşdə Azərbaycan–Qazaxıstan istiqamətində yükdaşımaların təşkili, ölkəmizin tranzit potensialının inkişafı, həmçinin maraqlı dövlətlərin cəlb olunması şərti ilə “Cənub-Qərb” Beynəlxalq Nəqliyyat Dəhlizinin inkişaf etdirilməsi məsələləri müzakirə olunub.

img_0113-1

Qeyd edək ki, bu gün Astanada Transxəzər beynəlxalq nəqliyyat marşrutunun (TMTM) Koordinasiya komitəsinin növbəti iclası keçiriləcək.

İLHAM ƏLİYEV

İLHAM ƏLİYEV

Azərbaycan Respublikasının Prezidenti

HEYDƏR ƏLİYEV

HEYDƏR ƏLİYEV

Azərbaycan xalqının ümummilli lideri

MEHRİBAN ƏLİYEVA

MEHRİBAN ƏLİYEVA

Azərbaycanın birinci xanımı

"AZƏRBAYCAN DƏMİR YOLLARI"

Qapalı Səhmdar Cəmiyyəti

ADY CONTAINER

ADY CONTAINER

Məhdud Məsuliyyətli Cəmiyyət


ADY Express
  • Azərbaycan
  • Русский
  • English
ADY Express
Bütün hüquqlar qorunur. © 2016