Taking too long? Close loading screen.

Seulda Azərbaycan və Koreya dəmir yolları rəhbərləri arasında görüş keçirilib

2019-04-11

Seulda Azərbaycan və Koreya dəmir yolları rəhbərləri arasında görüş keçirilib

“Korail” Koreya Milli Dəmir Yolları Korporasiyasının Cənubi Koreyanın paytaxtı Seul şəhərində yerləşən ofisində “Azərbaycan Dəmir Yolları” QSC-nin sədri Cavid Qurbanovla “Korail” Koreya Milli Dəmir Yolları Korporasiyasının prezidenti Son Byonq Sokun arasında görüş keçirilib.

Geniş nümayəndə heyətlərinin iştirakı ilə keçirilən görüşdə Son Byonq Sok çıxış edərək Koreya Milli Dəmir Yolları Korporasiyasının Dəmir Yolları Əməkdaşlıq Təşkilatına üzv olmasına göstərdiyi dəstəyə və DYƏT Baş Direktorlar Konfransının XXXIV iclasında iştiraka görə Cavid Qurbanova təşəkkürünü bildirib.

İkitərəfli görüşdə “Azərbaycan Dəmir Yolları” Qapalı Səhmdar Cəmiyyətinin sədri Cavid Qurbanov çıxış edərək, Azərbaycanın nəqliyyat-logistika imkanları, dəmir yolunda həyata keçirilən islahatlar barədə danışıb. O, Bakı-Tbilisi-Qars dəmir yolu bağlantısı, “Şimal-Cənub” və Cənub-Qərb nəqliyyat dəhlizləri, Beynəlxalq Transxəzər Nəqliyyat Marşrutu barədə ətraflı məlumat verib.

Beynəlxalq Transxəzər Nəqliyyat Marşrutundan (Orta Dəhliz) danışan Cavid Qurbanov bildirib ki, bu dəhliz yüklərin Çindən Avropaya və əks istiqamətdə daşınmasını təmin edir. Orta Dəhlizin rəqabət qabiliyyətinin artırılması istiqamətində ən mühüm nailiyyətlərdən biri də Bakı-Tbilisi-Qars dəmir yolu xəttinin istifadəyə verilməsidir. Bakı-Tbilisi-Qars dəmir yolu xətti Orta Dəhlizin tərkib hissəsi olmaqla, Çinlə Avropa arasında ən qısa marşrutdur. “Korail” Koreya Milli Dəmir Yolları Korporasiyası Lyanyunqan və Pusan limanlarının geniş terminal imkanlarından istifadə edərək, Avropaya yüklərin müntəzəm daşınması üçün Orta Dəhliz layihəsinə qoşulmaq imkanlarını nəzərdən keçirə bilər.

Görüşdə həmçinin, ikitərəfli əlaqələrin genişləndirilməsi məsələləri müzakirə olunub.

Səfər zamanı eləcə də Azərbaycan nümayəndə heyəti Pusan limanının işi ilə tanış olub.

İLHAM ƏLİYEV

İLHAM ƏLİYEV

Azərbaycan Respublikasının Prezidenti

HEYDƏR ƏLİYEV

HEYDƏR ƏLİYEV

Azərbaycan xalqının ümummilli lideri

MEHRİBAN ƏLİYEVA

MEHRİBAN ƏLİYEVA

Azərbaycanın birinci xanımı

"AZƏRBAYCAN DƏMİR YOLLARI"

Qapalı Səhmdar Cəmiyyəti

ADY CONTAINER

ADY CONTAINER

Məhdud Məsuliyyətli Cəmiyyət


ADY Express
  • Azərbaycan
  • Русский
  • English
ADY Express
Bütün hüquqlar qorunur. © 2016