Bakı-Tbilisi-Qars dəmir yolunda daha bir ilk

2021-01-21

“Azərbaycan Dəmir Yolları” QSC-nin törəmə şirkəti olan “ADY Express” MMC Bakı-Tbilisi-Qars dəmir yolu vasitəsi ilə yükdaşımalarda daha bir ilkə imza atıb. Şirkət BTQ dəmir yolunda yükdaşımalarda ilk dəfə, örtülü vaqonlardan istifadə edib. Bu vaxta qədər BTQ-da yalnız yarımvaqonlar, konteyner və xopperlər (taxıldaşıyan vaqonlar) istifadə edilirdi. Örtülü vaqonlarla yüklərin nəqli və aşırım əməliyyatının həyata keçirilməsi, tamam başqa bir texnoloji proses hesab olunur.
Bu dəfə şirkət, Türkiyədən Azərbaycana idxal olunan Soya jmıxı (yükün digər adı – soya yağının ekstraksiyası nəticəsində alınan cecələr və bərk tullantılar, üyüdülmüş və ya üyüdülməmiş qranullaşdırılmış və ya qranullaşdırılmamış) yükünü nəql edib. Daşınacaq jmıxın ilk 1000 tondan 300 tonu Türkiyənin İskəndərun bölgəsində yerləşən Payas stansiyasında, örtülü vaqonlara yüklənərək Qars stansiyasına çatdırılıb. Burada yük, ADY Express-in təqdim etdiyi 6 ədəd örtülü vaqona aşırıldıqdan sonra Gürcüstanın Axalkalaki stansiyasına, orada da təkər cütləri dəyişdirildikdən sonra Azərbaycana yola salınıb.
Yükün 150 tonu Sitalçay stansiyasına, 150 tonu isə Z.Tağıyev stansiyasına çatdırılıb. Onu da qeyd edək ki, soya jmıxı quşçuluqda istifadə olunur və bu cür yüklərin nəqlinin davamlı olacağı nəzərdə tutulur.

İLHAM ƏLİYEV

İLHAM ƏLİYEV

Azərbaycan Respublikasının Prezidenti

HEYDƏR ƏLİYEV

HEYDƏR ƏLİYEV

Azərbaycan xalqının ümummilli lideri

MEHRİBAN ƏLİYEVA

MEHRİBAN ƏLİYEVA

Azərbaycanın birinci xanımı

"AZƏRBAYCAN DƏMİR YOLLARI"

Qapalı Səhmdar Cəmiyyəti

ADY CONTAINER

ADY CONTAINER

Məhdud Məsuliyyətli Cəmiyyət

AzRusTrans

AzRusTrans

Məhdud Məsuliyyətli Cəmiyyət


ADY Express
  • Azərbaycan
  • Русский
  • English
ADY Express
Bütün hüquqlar qorunur. © 2016