Taking too long? Close loading screen.

Azərbaycan və Qazaxıstan dəmir yolları arasında əməkdaşlığın perspektivləri nəzərdən keçirilib

2022-04-26

“Azərbaycan Dəmir Yolları” QSC-də Qazaxıstan nümayəndə heyəti ilə görüş keçirilib. Görüşdə Azərbaycanın nəqliyyat, logistika və tranzit potensialını, eləcə də dəmir yolları şəbəkəsinin genişləndirilməsi və yenidənqurulması istiqamətində görülən işlərlə bağlı təqdimat edilib. Qonaqlar dəmir yollarının müxtəlif sahələrində aparılan irimiqyaslı layihələri əks etdirən videoçarxla tanış olublar.

“Azərbaycan Dəmir Yolları” QSC-nin sədri Cavid Qurbanov ölkənin polad magistralında həyata keçirilən islahatlar, Qarabağda başlanılan quruculuq işləri çərçivəsində bərpa edilən dəmir yolu xətləri haqqında məlumat verib. Qeyd edib ki, Azərbaycan geosiyasi mövqeyindən istifadə edərək, əsas nəqliyyat “hab”ına çevrilir.

Nümayəndə heyətinin rəhbəri, Qazaxıstan Respublikasının Prezident Administrasiyası rəhbərinin müavini, Qazaxıstan Respublikası Prezidentinin beynəlxalq əməkdaşlıq üzrə xüsusi nümayəndəsi Yerjan Kazıxan Azərbaycana səfərləri çərçivəsində müxtəlif mövzularda müzakirələrdə iştirak etdiklərini bildirib. Qonaq Beynəlxalq Transxəzər Nəqliyyat Marşrutunun gələcək inkişafı, bu dəhliz vasitəsilə daşımaların optimallaşdırılması, multimodal daşımaların çevik və sürətli həyat keçirilməsinin vacibliyini vurğulayıb. O deyib ki, Bakı-Tbilisi-Qars dəmir yolu xətti Çindən Qazaxıstan vasitəsilə Türkiyəyə və Avropaya, həmçinin əks istiqamətdə yüklərin çatdırılma müddətini və məsafəsini qısaltmağa imkan verir.

“Qazaxıstan Dəmir Yolu” Milli Şirkəti SC-nin İdarə Heyətinin sədri Nurlan Sauranbayev hər iki ölkənin nəqliyyat-tranzit imkanları, eləcə də dəmir yolları ilə yükdaşımaların müsbət dinamikasına diqqət çəkib.

Bildirilib ki, Azərbaycanın ərazi bütövlüyünü bərpa etməsi yeni tranzit imkanlarına yol açır. Qazaxıstan bütün sahələrdə olduğu kimi nəqliyyat sektorunda da Azərbaycanla əməkdaşlıqda maraqlıdır. Görüş iştirakçıları beynəlxalq marşrutların fəaliyyətinin gücləndirilməsi və həmin dəhlizlər üzrə daşımaların həcminin, tranzit potensialının artırılması istiqamətində görülən işlər haqqında fikir mübadiləsi aparıblar. Görüşdə “Azərbaycan Xəzər Dəniz Gəmiçiliyi” QSC və “Bakı Beynəlxalq Dəniz Ticarət Limanı” QSC-nin nümayəndələri müxtəlif mövzular ətrafında müzakirələr ediblər.

İLHAM ƏLİYEV

İLHAM ƏLİYEV

Azərbaycan Respublikasının Prezidenti

HEYDƏR ƏLİYEV

HEYDƏR ƏLİYEV

Azərbaycan xalqının ümummilli lideri

MEHRİBAN ƏLİYEVA

MEHRİBAN ƏLİYEVA

Azərbaycanın birinci xanımı

"AZƏRBAYCAN DƏMİR YOLLARI"

Qapalı Səhmdar Cəmiyyəti

ADY CONTAINER

ADY CONTAINER

Məhdud Məsuliyyətli Cəmiyyət

AzRusTrans

AzRusTrans

Məhdud Məsuliyyətli Cəmiyyət


ADY Express
  • Azərbaycan
  • Русский
  • English
ADY Express
Bütün hüquqlar qorunur. © 2016